如果要我推薦一間有良心得來又好味嘅點心店我首推一定係呢間蒸廬💛
.
因為我響石門...

如果要我推薦一間有良心得來又好味嘅點心店我首推一定係呢間蒸廬💛
.
因為我響石門返工嘅關係所以就可以成日幫襯佢，基本上佢啲點心樣樣都好食蝦餃燒賣牛肚牛柏葉咖喱魷魚蒸飯芝麻包等等，好似冇邊一樣嘢我食過係覺得唔好食嘅，我都唔多作介紹，你哋就咁睇圖都知道幾正啦。
.
唯一唔滿意嘅就係佢嘅黑金流沙包唔係成日有，呢個絕對係我嘅至愛啊，佢嘅黑金流沙包絕對係我食過最流嘅流沙包，佢啲流沙奶黃真係瀑布式咁流出來，真係好似飲湯咁㗎 😍雖然$42得三個有啲小貴，但係如果果日有的話我都一定必點！😆我都強烈建議大家要點呀！💡好耐之前係星期五有，後來因為師傅做唔切得返星期六先有😢我星期六唔使返工，搞到我都好耐冇食過，點知琴日星期五我同同事去食，佢竟然又突然間話有返黑金流沙包😍真係好驚喜，我哋當然即點！超耐冇良d水準仲要保持到👍😍啲既咸且香嘅鹹蛋奶黃真係瀑布爆漿式咁流出，久別重逢我真係好興奮🥳😋😋強烈希望佢嘅黑金流沙包星期一至日都有！
.
作為一個foodie，有時候我介紹嘅餐廳食嘢感受都係當下，水準能否保持有好多因素嘅，我當下覺得好食，可能之後轉左廚師又或者廚師心情唔好失準等等都好影響個味道，不過呢間蒸廬真係我食咗兩年幾都保持到高汁穏定水準，又高質又有良心的點心夜真係唔多，難怪佢成日都咁多人排隊，就算lunch我哋都唔係成日排到，因為得一個鐘食飯，下下去到佢大排長龍等得來我哋都食唔切，我知佢最近仲響紅磡開咗新分店，這一切佢值得擁有，希望佢哋越做越好，我都會keep住幫襯㗎🙆🏻‍♂️
.
店名：蒸廬💛
地址：沙田石門安群街3號京瑞廣場一期2樓225號舖

---